What is real love ? ? ?

အချစ်စစ်ဆိုတာဘာလဲလို့............?????

အချစ်ဆိုတာ... တိုက်ဆိုင်မှုရှိတာလား

သနားတာလား

ကြင်နာတာလား

သ၀န်တိုတာလား

သည်းခံနိုင်တာလား

အနေနီးစပ်မှုလား

ဝေးနေတဲ့အချိန်သတိရနေတာလား

ပူဆွေးတမ်းတမှုလား

ရယူပိုင်ဆိုင်ချင်တာလား

စိတ်ညစ်ရင်သတိရတာလား

ပျော်နေရင်သတိရတာလား

ထပ်တူခံစားရခြင်းလား

ကျွန်မနဲ့သိသမျှသူတွေကိုလိုက်မေးဘူးပါတယ်။

ဖြေရှင်းချက်မျိုးစုံပေးတဲ့အထဲကဒီအချက်တွေလဲပါဝင်တယ်။

ဒါပေမယ့်အဲလိုတွေခံစားဘူးပြီးတော့ရီးစားထားလိုက်တိုင်းကျွန်မတကယ်မချစ်ဘူးဖြစ်ဖြစ်သွားလို့

တကယ်ချစ်တယ်ဆိုတာကိုက့်ကိုကိုယ်ပဲတကယ်ချစ်ကြတာမဟုတ်လားလို့..........? ? ?တကယ်ချစ်လို့သတ်သေကြတယ်ဆိုတာလဲကိုယ်လိုချင်တာမရလို့ကိုယ့်အတ္တအတွက်ပဲမဟုတ်လား...?

စာဖတ်သူများဖြေပေးစေချင်ပါတယ်

မချစ်ရ

Merry X'mas & happy new year

No matter what the season
Where we go or what we do
Anytime and all the time
I'm more in love with you
And so it's only natural
Now that christmas time is here
To wish you all that's happiest
Today & always ...,Dear
Merry X'mas & happy new year

Ps..,I like the best poem

မချစ်ရ

လုပ်စားကြည့်နော်

ပါဝင်သော...
၁.ခေါက်ဆွဲခြောက်
၂.မုန်လာဥနီ

၃.မှို

၎.ပဲသီးစိမ်း

၅.ဂေါ်ဖီပန်းပွင့်

၆.ငုံးဥ

၇.ငါးဖယ်လုံး

၈.၀က်/ကြက်(နှစ်သက်ရာတစ်မျိုး)

ငုံးဥကိုပြုတ်ပြီးသီးသန့်ဖယ်ထားပါ။

မုန်လာဥနီကိုလှီးပြီးရေနွေးနဲ့စိမ်ထားပါ(သို့)ရေနွေးနဲ့ခဏပြုတ်ပါ။

ကျန်သောဟင်းသီးဟင်းရွက်များကိုရေစင်အောင်ဆေးပြီးဆစ်ထားပါ။

ဆီတည်ထားသောအိုးတွင်ကြက်သွန်ဖြူအနည်းငယ်ဆီသတ်၍

ရေဆစ်ထားသောအသီးအရွက်ကိုကြော်ပါ။

အသီးအရွက်ကြော်တွင်ဆား၊အချိုမှုန့်၊ပဲငံပြာရည်အကြည်၊အနောက်၊ခရုဆီ လိုသလောက်ထည့်ပါ။အသားနှင့်ငါးဖယ်ကိုသီသန့်ကြော်ပြီးလျှင်ဟင်းသီးဟင်းရွက်များနှင့်မုန်လာဥနီ၊ငုံးဥ ကိုရော၍ထည့်ပြီးဖျော်ပြီးသားကော်ရည်ကိုထည့်၍အသာအရာမွှေပေးပါ။

ကော်မှုန့်ခဲနိုင်၍အဆက်မပြတ်မွှေပေးပါ။ဆား၊အချိုမှုန့်၊ပဲငံပြာရည်အကြည်၊အနောက်ကိုလိုသလိုထပ်ထည့်ပါ။

သောက်ရေသန့်ထပ်ထည့်ပါ။ကော်ရည်ကိုအနည်းငယ်ပျစ်အောင်ထိကော်မှုန့်ကိုလိုသလိုထပ်ထည့်ပေးပါ။

အရောင်လိုချင်ရင်တော့ပဲငံပြာရည်အနောက်ကိုထပ်ထည့်ပါ။

ဆူလာသည်အထိဆက်တိုက်အသာအရာမွှေပေးနေရပါမည်။

ဆူလာရင်တော့မီးဖိုမှချနိုင်ပါပြီ။ဒီလိုပုံစံရပြီပေါ့နော်။

ခေါက်ဆွဲကြွပ်ကြော်

ခေါက်ဆွဲခြောက်ကိုဆီဆူဆူထဲထည့်ပွအောင်ကြော်ပါ။

ပြီးလျှင်ခေါက်ဆွဲခြောက်ကြော်ပေါ်သို့ချက်ပြီးသားကော်ရည်လောင်းထည့်၍အဆင်သင့်စားသုံးနိုင်ပါပြီရှင်။

ကျွန်မရဲ့အကြိုက်ဆုံးအစားအစာကိုသူများတွေလည်းလုပ်စားနိုင်အောင်ဖော်ပြလိုက်ပါတယ်နော်။

မချစ်ရ

ကျွန်မချစ်သောဖိနပ်များ(ဖိနပ်ချစ်သူ)

ဒီနေ့ဘာရေးရမှန်းမသိဘူး သူများတွေချစ်စရာဖိနပ်လေးတွေတင်တာမြင်လို့
ဖိနပ်အရမ်းကြိုက်တဲ့ကျွန်မလည်းဖိနပ်လေးတွေတင်လိုက်တယ်နော်.

တောင်ကြီးသွားတုန်းကအရမ်းကြိုက်လို့သူငယ်ချင်းက၀ယ်ပေးလိုက်တဲ့ဖိနပ်လေး

ပထမတွေ့တွေ့ခြင်းကြိုက်လွန်းလို့ဆိုဒ်မတော်တာနဲ့သူငယ်ချင်းကတမြို့လုံးရှာပေးလိုက်ရတဲ့ဖိနပ်ပေါ့

ဒီဖိနပ်လေးတွေကတော့ကျွန်မကိုအရမ်းချစ်တဲ့Taipaiကအမ

ဝယ်လာပေးတဲ့ဖိနပ်သစ်လေးတွေ

ဒါကတော့အမြဲစီးနေကြလေးတွေပေါ့

အရင်ကအပြင်သွားရင်စီးတယ်ဒါပေမယ့် သိပ်မကြိုက်ဘူးဒီ ladyshoes ပုံတွေကို

အသစ်တွေ့လို့အဟောင်းပစ်ချင်ပြီ :P

သင်္ကြန်မှာစီးတဲ့ဖိနပ်

ဖိနပ်လှလှလေးတွေတင်ပေးကြပါဦးနော် ဖိနပ်ချစ်သူများအတွက်...........

မချစ်ရ

အောင်မြင်ခြင်းရဲ့နောက်ဆုံး

"ကလင် ကလင်" ဆိုသောအိမ်ကဖုံးသံကြားလျှင်

ကျွန်မကို"ဖုံးကိုင်လေသမီးဖုံးတွေချည်းပဲ"ဟုအမေမဆူခင်ဦးအောင်ကြိုကိုင်ရသည်။

ဒီနေ့ည၈နာရီလောက်ကဖုံးလာတော့ကျွန်မထိုင်နေတုန်း
အနားမှာရှိတဲ့ဖုံးကိုကောက်ကိုင်လိုက်တော့တောင်ကြီးကကျွန်မသူငယ်ချင်း

ဖြစ်နေတယ်လေသူကကျွန်မကိုအချိန်ပြည့်ဖုံးဆက်ပြီးလွမ်းတယ်လို့

ပြောနေတဲ့သူလေ။ကျွန်မကိုရီးစားလည်းမထားရဘူးတဲ့လေသူကြတော့

ယောင်္ကျားယူပြီးတော့သူကယောင်္ကျားရလို့ကလေး၁ယောက်တောင်ရနေပြီ
သူ့ကိုကျွန်မကအရူးမလို့ခေါ်တယ်သူ့ယောင်္ကျားနဲ့ကလေးကို

ကျွန်မလောက်မချစ်လို့လေ...ပြောရင်တော့ယုံမှာမဟုတ်ဘူး

သူကျွန်မကိုချစ်တာကရူးသွပ်ခြင်းလိုပဲကလေးကိုလဲသူ့အိမ်မှာမထားဘူး

ယောက္ခမအိမ်မှာထားပြီးသွားမကြည့်ဘူးကျွန်မကိုတော့အသံမကြားရရင်တောင်

သူသေသွားမလားပဲသူ့ယောင်္ကျားဆိုဝေးသေးရှိတယ်လို့တောင်မထင်
သူ့ယောကျာင်္းကလည်းသဘောကောင်းပေလို့ပေါ့မဟုတ်ရင်တော့

ကျွန်မအနေကျပ်လို့သေရချည်ရဲ့ကျွန်မအနားမှာရှိတဲ့သူတွေနဲ့သူ့အနားက

သူငယ်ချင်းတွေဆိုသူ့လိုလူကရှိမှာမဟုတ်ဘူးလို့ပြောကြတယ် ဟုတ်ပါတယ်သူကယောင်္ကျားနဲ့ကလေးရှိရက်နဲ့လုံးဝကြီးကိုဂရုမစိုက်ပဲ
ကျွန်မကိုပဲဂရုစိုက်လွန်နေတာကမကောင်းဘူးပေါ့ .....

ဒါပေမယ့်ခက်တာကကျွန်မလည်းသူ့ကိုပြောမရဘူးအဲဒီကိစ္စနဲ့ပတ်သတ်ပြီးတော့
အခုတော့သူ့ဖုံးဖြစ်နေတော့ကျွန်မအတွက်ကမထူးဆန်းပေါင်..
အဲထူးဆန်းတာကတော့သတင်းထူးပဲသူ့ဆီကသတိရလို့ဆက်တာ

လွမ်းလို့ဆက်တာဆိုတဲ့အသံပဲကြားနေရတဲ့..ကျွန်မအဖို့တော့

ဒီနေ့မှာကြားရတဲ့သီတင်းကိုတော်တော်အံ့အားသင့်သွားခဲ့တယ်
ထူးထူးခြားခြားကြားလိုက်ရတဲ့သီတင်းကတော့သူ့သူငယ်ချင်းတစ်ယောက်ဖြစ်တဲ့
အဆိုတော်ကောင်မလေးနှင်းဧကရီဆုံးသွားပြီတဲ့ကျွန်မနဲ့နှင်းဧကရီကတော့

သိပ်မခင်ပါဘူးသူမိတ်ဆက်ပေးလို့သိတယ်ဆိုရုံလေးပါပဲ ဒါပေမယ့်ကျွန်မသူငယ်ချင်းတော်တော်များများနဲ့တော့ခင်ကြတယ်လေ
အဲဒီကောင်မလေးကအဆိုလောကမှာသိပ်အောင်မြင်ချင်ခဲ့တာ
သူ့အောင်မြင်မှုတွေအတွက်လည်းသူ့မှာအရမ်းကိုကြိုးစားခဲ့ရတယ်လေ
သူကအောင်မြင်ချင်တော့တောကြိုက်သီချင်းလည်းဆိုခဲ့တယ်
အခုခေတ်အကြိုက်လည်းဆိုတယ်စီးရီး၂ခွေထွက်ပြီးပြီလေအခုတော့သူလိုချင်တဲ့

အောင်မြင်မှုဆိုတာကိုရခါစလေးရှိသေးတယ်။သူ့မှာစွန့်လွှတ်လိုက်ရပြီ

ဦးနှောက်ထဲဌက်ဖျားပိုးဝင်လို့တဲ့။ဆေးရုံတက်နေတဲ့အချိန်တိုလေးအတွင်းမှာ

ဘာမှမသိတော့ပဲလျှောက်ပြေးနေခဲ့တယ်တဲ့သူမေးနေကြသိပ်မှန်တယ်ဆိုတဲ့

ဗေဒင်ကခန္ဒာပျက်ကိန်းကြုံတယ်တွေ့လို့သီလရှင်ဝတ်ခိုင်းတာ

သူဝတ်လိုက်သေးတယ်တဲ့ဒါပေမယ့်လည်း............

သေခြင်းတရားကတော့ရှောင်လွှဲလို့မရခဲ့ပါဘူး။

ကျွန်မရဲ့အကိုဝမ်းကွဲတစ်ယောက်ဆိုလည်းသူအရမ်းအောင်မြင်နေတဲ့အချိန်မှာမှ
သေဆုံးသွားခဲ့တယ်လေ။သူလိုချင်တဲ့အောင်မြင်မှုကိုရတော့ရပါရဲ့
ဒါပေမယ့်သူသိပ်ကြာကြာမခံစားနိုင်ခဲ့လိုက်ဘူးပေါ့။
ကြိုးစားရတာတော့နှစ်ပေါင်းများစွာအရာရာကိုစတေးပြီးမှအောင်မြင်တဲ့အချိန်မှာ
သေခြင်းတရားနဲ့တွေ့ရင်ရောသေခြင်းတရားကိုရက်စက်တယ်လို့ပြောကြဦးမှာလား
အမှန်တော့လည်းကိုယ့်ကံကြမ္မာကိုကမခံစားထိုက်လို့ပါ။
လူတိုင်းကတော့အောင်မြင်မှုကိုမက်မောကြတာပဲ(ကျွန်မအပါအ၀င်ပေါ့) တကယ်တမ်းတော့ဒါတွေဟာတခဏသာခံစားခွင့်လေးပါပဲ၊
ကံတရားကမကောင်းရင်တော့ခံစားခွင့်တောင်ရလိုက်မှာမဟုတ်ဘူးလေ။

အောင်မြင်မှုနောက်ကိုအရမ်းလိုက်ပြီးကိုယ်ပိုင်လွတ်လပ်ခွင့်တွေဆုံးရှုံးရတဲ့

သူတွေဆိုရင်သူတို့ဘ၀ကအရမ်းကိုအောင်မြင်နေပေမယ့်သာမန်

လူလောက်တောင်ပျော်ရွှင်ဖွယ်ရာတွေရှိမှာမဟုတ်တော့ဘူး

ကျွန်မအကြိုက်ဆုံးကမ္ဘာကျော် pop အဆိုတော်Britney spears ဆိုရင်လည်း

သူ့ဘ၀ကအောင်မြင်မှုတွေကြားထဲမှာပိုးစိုးပက်စက်ရှုံးနိမ့်ခဲ့ရဖူးပါတယ်

အောင်မြင်မှုဆိုတာလူသားတိုင်းအတွက်တော့အလိုချင်ဆုံးအရာပါပဲ အောင်မြင်မှုဒဏ်မခံနိုင်လို့ပြိုလဲကြတဲ့သူတွေလည်းရှိတယ်

နောက်ဆုံးတော့လည်းဘယ်အချိန်သေမယ်မှန်းမသိတဲ့လူ့ဘ၀လေးရခိုက်မှာ
ပျော်ရွှင်ငြိမ်းချမ်းစွာနဲ့ကိုယ်ချစ်ရတဲ့သူနဲ့အဖြူစင်ဆုံးရိုးသားစွာ

လျှောက်လှမ်းနိုင်ဖို့ကအဓိကမကျဘူးလားလို့......................


မချစ်ရ

ဒီဇင်ဘာရဲ့အလွမ်းများ

ဒီဇင်ဘာလကိုအရင်ကတော့အရမ်းကိုနှစ်သက်ခဲ့ပါတယ်။

ဘာလို့လဲဆိုတော့နှင်းကျတာနဲ့အေးတာကိုကြိုက်နှစ်သက်လို့ပါပဲ။

ပျော်လည်းအရမ်းပျော်တယ်ဒီလမှာသီချင်းဆိုပွဲတွေရှိတယ်

ပျော်ပွဲရွှင်ပွဲတွေနဲ့သူငယ်ချင်းပေါများတဲ့ကျွန်မအဖို့ကတော
့အိမ်မှာကပ်တယ်ကိုမရှိပါဘူး။

စတိတ်ရှိုးတွေလည်းရှိတော့သွားဖို့သူငယ်ချင်းတွေကလာခေါ်တယ်။

စတိတ်ရှိုးဆိုကျွန်မတို့သူငယ်ချင်းတွေကအရမ်းကြိုက်ကြတာလေ။

ခရစ်စမတ်ဆိုရင်ပျော်စရာသိပ်ကောင်းတယ်ပြောကြပေမယ့်

ကျွန်မကတော့နယူးယားကိုပိုပျော်တယ်။

အဲဒီညဆိုရင်မိုးလင်းပေါက်ပဲသူငယ်ချင်းတွေနဲ့လျှောက်လည်တာလေ။

မနှစ်ကဒီဇင်ဘာနေ့လေးတစ်နေ့ကိုသတိရမိပါတယ်။

နေ့တော့အတိအကျမမှတ်မိတော့ပါဘူး၊ဒါပေမယ့်ဒီဇင်ဘာလပါပဲ

ဒီလဒီရာသီမှာပဲကျွန်မအတွက်ကတော့အမှတ်ရနေစရာတွေကိုသူကထားခဲ့တာပေါ့

ဒီဇင်ဘာလမှာသူ့ရဲ့မွေးနေ့လည်းရှိနေတယ်လေ။

ဒါပေမယ့်မွေးနေ့အမှတ်တရလေးတောင်ပြောခွင့်မကြုံခဲ့ပါဘူး။

ဒီနှစ်လည်းဒီလိုပါပဲရုတ်တရက်ပေါ်လာပြီးပျောက်သွားခဲ့ပြန်တော့
ဘယ်လိုမှအခွင့်အရေးမပေးခဲ့ပြန်ဘူးသူပြောခဲ့သလိုပဲလေ
ကျွန်မတို့ရဲ့ပြန်ဆုံနိုင်မယ့်ကံကိုယုံကြည်ရတော့မှာပေါ့...နော်

မချစ်ရ

ကျွန်မ မုန်းသော

ညနေထမင်းစားပြီးချိန်ဆိုရင်အမေရဲ့ကျွန်မကိုအမြဲတမ်းသတိလိုက်ပေးနေတဲ့
"သမီး ဆေးသောက်တော့"ဆိုတဲ့အသံကိုကြားရစမြဲပင်။
ဒါပေမယ့်ကျွန်မကလည်းခေါင်းမာသူပီပီဟုတ်ကဲ့ပါဆိုပြီးမသောက်ဖြစ်သည်ကများသည်။

တခါတရံဆိုအိပ်ခါနီးမှသောက်မယ်ဗိုက်တင်းလို့ဟုဆင်ခြေပေးသေးသည်။
အမေကတော့သောက်ပြီးပြီပြန်မဖြေမချင်းပွမ်နေလေတော့သည်။
ကျွန်မကလည်းကျွန်မရဲ့အမုန်းဆုံးအရာကဆေးတွေလေဘယ်သောက်ချင်ပါ့မလဲ။
ဒီလိုနဲ့ပဲသောက်ဖြစ်တဲ့နေ့တွေရှိသလိုမသောက်ဖြစ်တဲ့နေ့တွေလည်းရှိတယ်လေ။

အဲဒီဆေးလုံးတွေကိုမြိုချရမှာကိုကတော်တော်ကိုစိတ်ပျက်စရာကောင်းလောက်အောင်ကိုဖြစ်နေတယ်လေ။
သောက်ရင်တော့ခဏလေးပါပဲ၁စက္ကန့်လောက်အချိန်လေးကိုပဲမသောက်ချင်တာ။
အခုတော့ညတိုင်းလိုလိုပုံမှန်သောက်ဖြစ်နေတော့တယ်။
အရင်ကတော့အမေဒီလောက်သတိပေးနေတာတောင်တစ်လစာဆေးတွေကိုနှစ်လလောက်သောက်ယူရတယ်။

အခုတော့ဆေးပုံမှန်သောက်ဖြစ်တာတောင်အမေကမယုံသေးဘူးလေမသောက်ဘူးပဲထင်နေတုန်း။
အခုလိုဖြစ်လာတာကတော့ကျွန်မသိပ်ကိုခင်ရတဲ့မောင်လေးကအမြဲကျွန်မကိုသတိပေးနေလို့ပေါ့။
သူ့လိုပဲသတိပေးကြတဲ့သူတွေတော့ရှိပါတယ်။
ဒါပေမယ့်ကျွန်မအမေ့ကိုဖြေသလိုပဲပြီးစလွယ်ဖြေလိုက်တယ်။

ကျွန်မမောင်လေးကတော့ကျွန်မမသောက်မချင်းကိုစောင့်နေတော့သောက်ဖြစ်တယ်။
တခါတလေသူနဲ့မတွေ့ဖြစ်တဲ့နေ့တွေမှာတော့ကျွန်မမသောက်ဖြစ်ခဲ့ဘူး။
အခုဆိုရင်ကျွန်မရဲ့အမုန်းဆုံးသောဆေးတွေကကျွန်မအနားမှာမြဲရှိနေပြီလေ။
ဆေးဘူးတွေကိုအနားမှာယူထားရတယ်။


သူနဲ့onlineမှာတွေ့တိုင်းသူက"ဆေးသောက်တော့လေအမ"ဆိုတဲ့အသံကိုအရင်ပေးတော့တာပဲ။
တစ်ခါဆိုသူများပြောလို့သောက်လိုက်မိတာကိုအရင်သောက်ပြီးပြီဆိုလို့မကျေနပ်ဘူးလေ။
သူပြောမှသောက်စေချင်တယ်။ဘာပဲဖြစ်ဖြစ်ဆေးသောက်ဖို့သတိပေးတဲ့သူတွေရှိတဲ့အထဲမှာတော့
မောင်လေးပြောမှပဲသောက်တတ်တော့တဲ့အကျင့်ကပါနေပြီဆိုတော့မောင်လေးလဲကျေနပ်မှာပါ။

မကျေနပ်သူတွေကတော့...............


မချစ်ရ

ကျွန်မ နှင့် တောင်ကြီးမျက်လှည့်ပွဲ

ကျွန်မနှင့်ကျွန်မသူငယ်ချင်းဓါတ်ပုံရိုက်ရန်တောင်ကုန်းလေးသို့လာခဲ့ရာ
ဓါတ်ပုံရိုက်မယ့်နေရာလေးမှာလူစည်ကားနေသဖြင့်ဘာများပါလဲဟုဝင်ရောက်
တိုးဝှေ့ကြည့်လိုက်မိရာမျက်လှည့်ပြနေသည်။
ကျွန်မတို့နှစ်ယောက်လည်းဝင်ရောက်ကြည့်ရှုမိသည်။
ဒါပေမယ့်ကျွန်မအမေပြောခဲ့တဲ့စကားအတိုင်းပွဲအရှည့်ကကြည့်နေရင်
အနောက်ကပိုက်ဆံအိတ်ကိုနှိုက်တတ်တာကိုသတိထားဆိုတဲ့အတိုင်း
ပိုက်ဆံအိတ်ကိုရင်ဝယ်ပိုက်ထားပြီးအရှည့်သို့တိုးတိုးကြည့်ခဲ့ရာ
အရှည့်ဆုံးသို့ရောက်မှန်းမသိရောက်ခဲ့မိတော့တယ်။
ဒါပေမယ့်ကျွန်မဘုရားစာကိုလည်းစိတ်ကနေရွတ်တယ်
ပိုက်ဆံအိတ်ကိုလည်း သေချာပိုက်ထားတယ်။
မျက်လှည့်ဝိုင်းကလူရှိမယ်ဆိုရင်အယောက်၃၀,၄၀ လောက်ပဲရှိမယ်။
အဲဒီမျက်လှည့်ဆရာပြတာကတော့သံပုံးအခွံဟိုဘက်ဒီဘက်အပေါက်နဲ့ဟာကိုမြေကြီးမှာထောင်ထားတယ် အဲဒီအထဲမှာတော့ပရိတ်သတ်ထဲကနေကွမ်းယာတောင်းပြီးကွမ်းတ၀က်ကိုသံပုံးအပေါက်နဲ့အုပ်ထားလိုက်တယ်။ အဲဒီအထဲကနေအချိန်အတော်ကြာမှသံပုံးကိုဖယ်လိုက်တော့လိပ်၁ကောင်ထွက်လာတယ်။
သူပြတာကတော်တော်ရှင်းပါတယ်။အဲဒီပွဲအပြီးမှာဆေးရောင်းတယ်အဲဒါကတော့ ကံကောင်းတယ်လက်ပွင့်တယ်ဘာညာပေါ့လေ။
ကျွန်မနှင့်သူငယ်ချင်းကတော့ဘုရားမှတပါးဘာမှမယုံတဲ့သူတွေဆိုတော့သူပေးတာကိုလည်းမယူဘူး
ယုံလည်းမယုံကြည်ဘူးလေ။တချို့ ခရစ်ယာန်တွေလည်းမယူကြဘူး။
အားလုံးအပြီးအပြန်မှာတော့ကျွန်မကမျက်လှည့်ဆရာကိုနေပူကြီးထဲအလကားလာပြရတဲ့အတွက် သနားစိတ်နှင့်သူငယ်ချင်းဆီမှနှစ်ရာတောင်းလိုက်တယ်။သူ့ဆီမှာမရှိဟုရှာကြံပြီးမှပြောသောအခါ
အလွန်တရာမှတိကျသောကျွန်မခုနကလ္ဘက်ရည်ဆိုင်မှာ ၇၅၀ ပြန်အမ်းတာကိုပိုက်ဆံများညစ်ပတ်နေ၍
ကျွန်မမကိုင်ချင်သဖြင့်သူ့ကိုသိမ်းခိုင်းလိုက်တယ်သူလည်းသိမ်းလိုက်တာသေချာပါတယ်။
ဘာလို့လဲဆိုတော့လ္ဘက်ရည်ဆိုင်ကအပြန်မှာဘာကျန်ခဲ့လဲဆိုပြီးတော့
စားပွဲကိုပြန်ပြန်ကြည့်တတ်တဲ့ အမေသင်ပေးထားတဲ့အကျင့်ကရှိနေတယ်လေ။
ပြီးတော့ ၁၀၀၀တန်တရွက်ကတော့ကျွန်မပိုက်ဆံအိတ်အသေးလေးထဲကို
သေချာပြန်ထည့်ပြီးဇစ်ပိတ်ထားတယ်။ အဲဒါကိုမှလွယ်တဲ့အိတ်ထဲထပ်ထည့်လိုက်တယ်။
ကျန်တဲ့ပိုက်ဆံတွေကတော့ကျွန်မသူငယ်ချင်းရဲ့ဘောင်းဘီအိတ်ကပ်ထဲထည့်ထားတယ်။
အခုမရှိတော့တာက ၁၇၅၀ တိတိ ပဲ။ကျွန်မတို့နှစ်ယောက်တော်တော်ခေါင်းစားသွားတယ်။
ဘာလို့လဲဆိုတော့အရှင်းကြီးပဲလေကျွန်မလောက်တိကျတဲ့သူဆီကမှခါးပိုက်နှိုက်တယ်ဆိုလည်း
တခြားကျွန်မအိတ်ထဲမှာအဖိုးတန်တာတွေပါသေးတယ်။
အိတ်အသေးထဲမှာထည့်ထားတာမဟုတ်ပဲလွယ်လွယ်ကူကူယူလို့ရတယ်။
အဲဒါတွေမပျောက်ပဲပိုက်ဆံအိတ်ကိုပိုက်ထားတာဘယ်လိုမှနှိုက်လို့မရနိုင်တဲ့နေရာကအရာမရွင်းပဲ၁၀၀၀ပဲပျောက်သွားခဲ့တာကိုကျွန်မတော်တော်အံ့အားသင့်ထူးဆန်းနေမိတယ်။
သူငယ်ချင်းဘောင်းဘီအိတ်ကပိုက်ဆံတွေကျတော့လုံးဝမပျောက်ခဲ့ဘူး။
၇၅၀ ပဲပျောက်တယ်မျက်လှည့်ပညာလား၊အောက်လမ်းပညာလားတော့ကျွန်မမသိဘူး
ဒါပေမယ့်သေချာတာကတော့ခါးပိုက်နှိုက်ခံထိတာမဟုတ်ပဲကိုရှင်းရှင်းကြီးပျောက်သွားခဲ့တဲ့အတွက်အခုထိကို
ကျွန်မအဖို့အံ့သြစွာနဲ့မကျေနပ်နိုင်သေးတဲ့တောင်ကြီးမှမျက်လှည့်ပွဲပါပဲ။


မချစ်ရ

စိတ်ဖြေဘုရား

ကျွန်မနှင့်သူငယ်ချင်းလေး


ကျွန်မတွင်ခင်မင်ဖို့ကောင်းသောယောင်္ကျားလေးသူငယ်ချင်းတစ်ယောက်ရှိပါတယ်။

ဒါပေမယ့်သူနှင့်ကျွန်မကတွေ့တိုင်းမတဲ့ပါဘူးအမြဲတမ်းရန်ဖြစ်လေ့ရှိပါတယ်။

မတွေ့တော့လည်းသတိရကြတယ်လေ၊ရန်ဖြစ်တိုင်းလည်းသူကပဲအလျှော့ပေးရတာပဲ
ဘာလို့လည်းဆိုတော့ ကျွန်မကဘယ်သူ့ကိုမှအလျှော့ပေးလေ့မရှိလို့ပေါ့
သူကကျွန်မထက်အများကြီးငယ်တယ်။ကျွန်မနှင့်သူအပြင်သွားရင်
သူကအရှေ့ဆိုကျွန်မကအနောက်ရွေးချယ်တဲ့လမ်းတိုင်းကဆန့်ကျင်ဘက်
ကျွန်မကအစားကောင်းရင်ပြီးရောလူများလည်းဆိုင်ထိုင်တယ်။
သူကတော့လူများတဲ့ဆိုင်ဆိုလုံးဝမထိုင်ချင်ဘူးလေ။
အစားကောင်းတဲ့ဆိုင်တိုင်းကတော့လူများမှာပေါ့..မဟုတ်ဘူးလား၊

ကျွန်မကအကင်ကြိုက်တယ်ဂဏန်းချက်ကြိုက်တယ်။သူကမစားချင်ဘူးပေလို့တဲ့

သူ့ကိုထွင်ပေးရတာကအလုပ်တစ်လုပ်ရှုပ်တယ်။
ဒါပေမယ့်ချစ်သူငယ်ချင်းလေးမို့လို့ကျွန်မလုပ်ပေးခဲ့ပါတယ်။

သူနဲ့ကျွန်မကတကယ်ကိုမောင်နှမလိုချစ်ကြတဲ့သူငယ်ချင်းဘာအဆင့်မှမပိုပါဘူး။
ဘေးလူတွေကတော့တမျိုးထင်ချင်ထင်မယ်ဒါပေမယ့်တကယ်ကိုသူငယ်ချင်းပါပဲ
ကျွန်မရည်းစားရှိတုန်းကဆိုသူနဲ့ချိန်းထားတာတိုက်နေရင်သူ့ကိုပဲဦးစားပေးတယ်
ခေါင်းလျှော်ပြီးခါစတွေ့တယ်ဆိုရင်မွှေးလားလို့ဆံပင်တွေကိုနမ်းကြည့်ခိုင်းတယ်
သူကျွန်မလက်က်ိုကိုင်ပြီးဆိုင်ထဲဝင်တတ်တယ်။
တခါတလေကားမောင်းနေရင်းနဲ့လည်းကျွန်မလက်ကိုကိုင်ထားတတ်တယ်။
ဒါပေမယ့်ကျွန်မရင်မခုန်သလိုသူလည်းရင်မခုန်ပါဘူး။
သြော်သူ့တူမလေးကလည်းကျွန်မတို့နဲ့အတူဘယ်သွားသွားလိုက်တတ်တယ်
တနေ့တော့ထုံးဆံအတိုင်းတွေ့ရင်ရန်ဖြစ်ပေါ့ ၊ဘာလို့လည်းဆိုတော့
ကျွန်မကရွှေတိဂုံဘုရားသွားရအောင်လို့ပြောတယ်လေ....
သူကလည်းထုံးဆံအတိုင်းလူများတယ်နေပူတယ်ဆိုပြီးမပို့ဘူးပေါ့
ကျွန်မကလည်းသူ့ကိုလုပ်နေကျအတိုင်းစိတ်တိုစိတ်ကောက်တော့တာပေါ့
ဒါနဲ့သူကဘုရားတစ်ဆူဖြစ်ရင်ပြီးရောမဟုတ်လားငါနင့်ကိုအရမ်းအေးချမ်းတဲ့
ဘုရားလိုက်ပို့ပေးမယ်လို့ပြောပါတယ်ဒါနဲ့ပဲကျွန်မလက်ခံလိုက်တယ်ဆိုပါတော့
တကယ်ပါသူပြောသလိုပဲဘုရားဝန်းကသိပ်မကျယ်ပေမယ့်
အရမ်းကိုအေးချမ်းစိတ်ငြိမ်တဲ့ပုရ၀ဏ်လေးပေါ့။
ဆည်းလည်းသံလေးတွေကလည်းသာယာလွန်းစိတ်ငြိမ်အေးချမ်းလွန်းလို့ 
အရမ်းကိုအေးချမ်းစိတ်ကြည်လင်သွားလို့သူငယ်ချင်းလေးက
ကျေးဇူးတင်ကြောင်းပြောမိပါတယ်။ကျွန်မကစကပ်လေးတွေဝတ်တတ်တော့
ရွှေတိဂုံဘုရားကိုသွားလျှင်သေချာအရှည်ဝတ်သွားမှဖြစ်မှာဆိုတော့
သိပ်မရောက်ဖြစ်ဖူးလေ။အဲလိုသိပ်မရောက်ဖြစ်တာကလည်း
သူငယ်ချင်းလေးပို့ပေးတဲ့ဘုရားရောက်ပြီးကတည်းကပေါ့။
ဒါပေမယ့်ကျွန်မမွေးနေ့တိုင်းတော့မနက်စောစောရွှေတိဂုံကိုတက်ဖြစ်ပါတယ်။
အဲဒီဘုရားကတစ်ယောက်တည်းသွားလည်းအဆင်ပြေတယ်လေ။
လာတဲ့လူသိပ်မရှိဘူး၊ကျွန်မစိတ်ညစ်တိုင်းပေါ့..ဥပမာ..
အမေနဲ့စကားများတာတို့၊အမတို့နဲ့သိပ်ဆင်မပြေတာတို့

စိတ်ရှုပ်ထွေးစရာအကြောင်းကိစ္စတစ်ခုခုကြုံလာတိုင်း
ကျွန်မတစ်ယောက်တည်းအဲဒီဘုရားမှာသွားထိုင်ပြီးဘုရားကိုငေးကြည့်ပြီး
စိတ်ပူလောင်သမျှကိုစိတ်အေးချမ်းအောင်ဖြေသိမ့်တတ်ပါတယ်။

သြော်တစ်ခါတစ်ရံမြို့ထဲကအပြန်ဘုရားဝင်ချင်စိတ်ရှိရင်လည်းတစ်ယောက်တည်းပဲ

ဝင်လိုက်တယ်လေ။တစ်ယောက်တည်းသွားဖြစ်တာကများတာပေါ့..နော်
ကျွန်မအတွက်တော့ပန်းခြံတွေအပန်းဖြေစခန်းတွေထက်ကိုသွားချင်စရာ

စိတ်ဖြေရာအေးချမ်းတဲ့နေရာလေးပါပဲ........


ရှေးဟောင်းဘုရားကြီး

ဘုရားကြီးကို ၁၂၁၀ခုနှစ်ပုဂံမင်းတည်ထားကိုးကွယ်ခဲ့ပါတယ်။

ဘုရားကြီးရဲ့ဘွဲ့တော်မှာမဟာဓမ္မရံသီအိမ်တော်ရာစေတီတော်မြတ်ကြီးဖြစ်ပါတယ်။

တည်နေရာမှာမြို့မကျောင်းလမ်း၊ဒဂုံမြို့နယ်၊ရန်ကုန်မြို့ဖြစ်ပါတယ်။

ဘုရားပုရဏ်ကသိပ်တော့မကျယ်လှပါဘူး။

ဘုရားကြီးကိုဒေါင့်တနေရာကနေထိုင်ကြည့်နေရတာကို

ကျွန်မအတွက်ပူပင်သောကတွေအကုန် လုံးကိုငြိမ်းစေနိုင်ပါတယ်။

ဒီဘုရားကြီးမှာထူးထူးခြားခြားဘီလူးပန်းဆွဲတွေကိုလည်းတွေ့ ရတယ်လေ။

အဲဒီဘီဘူးပုံပန်းဆွဲတွေကိုတော့ကျွန်မစိတ်ဝင်စားစွာကြည့်နေကြပေါ့။

သီတင်းကျွတ်လပြည့်နေတို့လိုအခါကြီးရက်ကြီးဆိုရင်ရွှေတိဂုံဘုရားမှာ

လူတွေအရမ်းများလို့မသွားဖြစ်ပဲဒီဘုရားကြီးဆီပဲဆီမီးသွားပူဇော်ဖြစ်တယ်

ဘာပဲဖြစ်ဖြစ်ပေါ့အဲဒီဘုရားကြီးကကျွန်မအတွက်တော့စိတ်ညစ်မှုတွေ

ဖြေဖျောက်ပေးနိုင်စွမ်းတဲ့နေရာလေးတနေရာမို့လို့

စိတ်ဖြေဘုရား လို့ ကိုယ့်ဟာကိုနာမည်ပေးထားလိုက်ပါတော့တယ်။

မချစ်ရ

လူ လူ ချင်းတူပါလျှက်

လူချင်းတူပါလျှက်တစ်ဦးနှင့်တစ်ဦးအကျိုးပေးထူးခြားပုံကိုမြင်ရသဖြင့်လျှောက်ထားရာ ဘုရားရှင်ဖြေတော်မူပုံတစ်ဆယ့်လေးချက်မှနှစ်ချက်ကိုဖော်ပြလိုက်ပါသည်။

(၁)ဤလောက၌အချို့သောမိန်းမယောင်္ကျားတို့ သည်စွန့်ကြဲပေးကမ်းလှူဒါန်းခြင်းမရှိ၊
ဝန်တိုခြင်းတရားအလွန်ကြီး၏။ထိုသူမျိုးသေလျှင်ငရဲသို့ ကျတတ်၏။
ငရဲမကျဘဲလူ့ ပြည်ကိုရောက်လျှင်ဥစ္စာမဲ့မွဲဆင်းရဲရလေ၏။

(၂)ထိုကဲ့သို့ ဝန်တိုခြင်းတရားမရှိဘဲစွန့် ကြဲပေးကမ်းလှူဒါန်းလေ့ရှိသောသူသည် သေလျှင်နတ်ပြည်သို့ရောက်ရ၏။နတ်ပြည်သို့ မရောက်ဘဲလူ့ ပြည်သို့ရောက်ရလျှင်လည်းဥစ္စာပြည့်စုံကုံလုံကြွယ်ဝရပေသည်။

ဘယ်သူမပြုမိမိမှုဟူသောစကားနှင့်အညီရှေးရှေးကပြုခဲ့သောအမှု(ကံ)
အားလျှော်စွာကောင်းကြိုးနှင့်မကောင်းကြိုးကိုရကြလေသည်။

PS..ဗုဒ္ဓဘာသာကောင်းတစ်ယောက်စာအုပ်မှကောက်နှုတ်ထားပါသည်။

ပါဏာတိပါတကံ

သီဟိုဠ်ကျွန်းတွင် စူဠစက္ကန နှင့် မဟာစက္ကန ဟူ၍ ညီအစ်ကိုနှစ်ယောက်ရှိ၏။
သူတို့ ၏ မိခင် ရောဂါဝေဒနာစွဲကပ်ရာ ဆေးဆရာ ဖြစ်သူကလတ်လတ်ဆတ်ဆတ်ယုန်သားကိုစားရလျှင် ဒေနာပျောက်ကင်းမည်ဟုဓာတ်စာပေးသောကြောင့်အစ်ကိုကညီအားယုန်ဖမ်း၍ယူစေရန် စေခိုင်းလိုက်၏။
ညီငယ်သည်တောသိုသွား၍ထောင်ချောက်ဆင်ပြီးဖမ်းယူရာယုန်တစ်ကောင်သည်
ထောင်ချောက်တွင်မိလျက်ကြောက်လန့်တကြားအော်မြည်နေသော
ဖြစ်အင်ကိုမြင်သောအခါ စိတ်တွင်ကိုယ်ချင်းစာတရားဖြစ်ပွားလေ၏။
ငါ့မိခင် အသက်ရှင်ရေးအတွက်ဤယုန်သူငယ်လေးသေရရှာတော့မည်။
ငါ၏မိခင်ရောဂါပျောက်၊မပျောက်ကိုကားတပ်အပ်သေချာမသိရ။
ယုန်သည်ကားသူ၏အဖော်များနှင့်ကွဲ၍သေရရှာတော့မည်ကံတရားအတိုင်းရှိပါစေ
ဟု သနားကြင်နာစိတ်ဖြင့်ယုန်ကလေးကိုထောင်ချောက်မှလွှတ်လိုက်လေ၏။
အိမ်သို့ပြန်လာသောအခါအစ်ကိုဖြစ်သူကဆီး၍မေးသည်တွင်သနား၍
ကိုယ်ချင်းစာစိတ်ဖြင့် လွှတ်ပေးလိုက်ကြောင်းပြောရာမိခင်အရင်းထက်တိရစ္ဆာန်ကိုသနားစရာ
လိုသေးလား ဟုကြိမ်းမောင်းဆူပူခြင်းခံရလေသည်။ ညီငယ်ဖြစ်သူသည်မိခင်၏အနီးသို့ သွား၍ခြေဆုပ်လက်နယ်ပြုလျှက် ငါသည်သိတတ်သောအရွယ်မှစ၍သူတပါးအသက်ကိုမသတ်ဖူး၊ ဤမှန်သောသစ္စာစကားကြောင့် ငါ့မိခင်၏ရောဂါဝေဒနာသည်ပျောက်ကင်းချမ်းမြေ့ပါစေ ဟုသစ္စာပြုလေသည်။
ထိုအချိန်မှစ၍မိခင်သည်ဝေဒနာမှလုံးဝပျောက်ကင်း၍ချမ်းသာခြင်းသို့ရောက်ခဲ့ရလေ၏။

PS..ဗုဒ္ဓဘာသာကောင်းတစ်ယောက်စာအုပ်မှကောက်နှုတ်ချက်

ပေါင်းသင်းဆက်ဆံရေး

(၁)ပေးကမ်းစွန့် ကြဲခြင်း
(၂)ချစ်ဖွယ်သောစကားကိုဆိုခြင်း
(၃)အကျိုးစီးပွားကိုကျင့်ဆောင်ခြင်း
(၄)မိမိနှင့်ထပ်တူညီမျှဆက်ဆံခြင်း
(၅)မချွတ်မယွင်းပြောဆိုပေးကမ်းခြင်းဖြင့် လည်းကောင်းပြုစုအပ်ကုန်၏။

PS..ဗုဒ္ဓဘာသာကောင်းတစ်ယောက်စာအုပ်မှကောက်နှုတ်ချက်ဖြစ်ပါသည်။