သီဟိုဠ်ကျွန်းတွင် စူဠစက္ကန နှင့် မဟာစက္ကန ဟူ၍ ညီအစ်ကိုနှစ်ယောက်ရှိ၏။
သူတို့ ၏ မိခင် ရောဂါဝေဒနာစွဲကပ်ရာ ဆေးဆရာ ဖြစ်သူကလတ်လတ်ဆတ်ဆတ်ယုန်သားကိုစားရလျှင် ဒေနာပျောက်ကင်းမည်ဟုဓာတ်စာပေးသောကြောင့်အစ်ကိုကညီအားယုန်ဖမ်း၍ယူစေရန် စေခိုင်းလိုက်၏။
ညီငယ်သည်တောသိုသွား၍ထောင်ချောက်ဆင်ပြီးဖမ်းယူရာယုန်တစ်ကောင်သည်
ထောင်ချောက်တွင်မိလျက်ကြောက်လန့်တကြားအော်မြည်နေသော
ဖြစ်အင်ကိုမြင်သောအခါ စိတ်တွင်ကိုယ်ချင်းစာတရားဖြစ်ပွားလေ၏။
ငါ့မိခင် အသက်ရှင်ရေးအတွက်ဤယုန်သူငယ်လေးသေရရှာတော့မည်။
ငါ၏မိခင်ရောဂါပျောက်၊မပျောက်ကိုကားတပ်အပ်သေချာမသိရ။
ယုန်သည်ကားသူ၏အဖော်များနှင့်ကွဲ၍သေရရှာတော့မည်ကံတရားအတိုင်းရှိပါစေ
ဟု သနားကြင်နာစိတ်ဖြင့်ယုန်ကလေးကိုထောင်ချောက်မှလွှတ်လိုက်လေ၏။
အိမ်သို့ပြန်လာသောအခါအစ်ကိုဖြစ်သူကဆီး၍မေးသည်တွင်သနား၍
ကိုယ်ချင်းစာစိတ်ဖြင့် လွှတ်ပေးလိုက်ကြောင်းပြောရာမိခင်အရင်းထက်တိရစ္ဆာန်ကိုသနားစရာ
လိုသေးလား ဟုကြိမ်းမောင်းဆူပူခြင်းခံရလေသည်။ ညီငယ်ဖြစ်သူသည်မိခင်၏အနီးသို့ သွား၍ခြေဆုပ်လက်နယ်ပြုလျှက် ငါသည်သိတတ်သောအရွယ်မှစ၍သူတပါးအသက်ကိုမသတ်ဖူး၊ ဤမှန်သောသစ္စာစကားကြောင့် ငါ့မိခင်၏ရောဂါဝေဒနာသည်ပျောက်ကင်းချမ်းမြေ့ပါစေ ဟုသစ္စာပြုလေသည်။
ထိုအချိန်မှစ၍မိခင်သည်ဝေဒနာမှလုံးဝပျောက်ကင်း၍ချမ်းသာခြင်းသို့ရောက်ခဲ့ရလေ၏။
PS..ဗုဒ္ဓဘာသာကောင်းတစ်ယောက်စာအုပ်မှကောက်နှုတ်ချက်
မျှော်လင့်ခြင်း မနက်ဖြန်
17 hours ago
0 comments:
Post a Comment